بنت الأكابر
مش قولتلك إن الحياه
ملهاش غالي عندها
واهو كله فينا علي هواه
لا قدرنا نغلب طبعها
وانتي كنتي كتير عنيده
لا بتسمعي ولا تفهمي
إن الحياه مهياش عناد
وكنتي ليه بس عنيده
لا لقيتي حلمك في الحياه
ولا كنتي غاليا عندها
واهو كله فينا علي هواه
لا قدرنا نغلب ظلمها
بنت الأكابر
الطبع غادر
وانتي ماسمعتيش كلامي
مع احترامي
كنتي ليه عايزاني اعافر
وأحنا أه مش قدها
ولا كنا غالين عندها
فمتزعليش
اصل احنا ليها صح عادي
بس هي ماتسويش
هي الحياه
مين اللي غير طبعها
إلا انه راح من غدرها
واهو كله فينا علي هواه
لا قدرنا نغلب طبعها
=================
الدنيا صعبه أكيد يا غاليه
وانا الفقير
طمعان في خير
يرتاح ضميري
بس ثانيه
اخاف عليكي أظلمك
أو أوهامك
في حاجات كتير جوايا
ليكي
عمري مااوفي حقها
وإن كان حقيقي حلمت
بيكي
أحلامي بيكي
كتمتها
وانتي إيه اللي بإيديكي
لما مشاعري تعبتها
ماالحياه عارفاها إنتي
فيها كل حاجه وعكسها
واهو كله فينا علي
هواه
لا قدرنا نغلب طبعها
==============
حبه عينيا
يااغلي حاجه حلمتها
يادنيا كنت اتمني اعيشها
لكني عمري ما عيشتها
موجوعه ليه مهو
غصب عنك
إيه اللي كان بس بيدك
كنت رايداني ورايدك
بس صعب ف وقتها
إنتي اللي أه بحبها
وصعب اقرب منها
بس وانتي كمان بعيده
الوحيده أخلصلها
الحلو مش طبع الحياه
دا الطبع أكتر مُرها
واللي أنتي لسه مستنياه
حبيبته محروم منها
واهو كله فينا علي هواه
وإن الحياه صعب جداًطبعها
===============
احمد طلبه
٢٠١٧/١١/١٥
ليست هناك تعليقات:
إرسال تعليق