انا بدنيا الشعر بيضه كفوفي
كريم وطيب وحلوه وصوفي
انا شمس الشعر والبدر ضيي
ونوري ما اله كسوف وخسوف - ي
ولا في حد بيزاود عليي
على المنبر اذا خشت دفوفي
لانه الشعر اغلى من عينيي
عشقته يا حبابي عشق صوفي
من الاحساس ناسج له عبيي
ولبسته حرير وثوب صوفي
طلقت جوانح الكلمه الغنيه
لحتى تكون افكاري شغوفه
من نجوم السما قطفت العليه
جواهر شعر تا اكرم ضيوفي
قوافي الشعر ربيت عا ايديي
وتحنت بالبلاغه العا رفوفي
وعطر الموهبه والعبقريه
دلقته وعطرت منه حروفي
ولا عندي غرور وعنجهيه
وفي قلبي انا وروحي عطوفه
انا اهل الشعر والشاعريه
حضنت ودرستهم في صفوفي
زرعت لهم انا ورودي النديه
قطف ميات منها والالوف - ي
بحب وشرشف اللهفه الوفيه
غمرت لهم وطلعو عا كتوفي
ساْل وحي الشعر يا ما عليي
ت يعرفني ويعرف شو ظروفي
سمع مني درر شعري النقيه
سكر بخمرة حروفي وصنوفي
مشى مذهول بشعري وبيي
فلسطيني وبفخر بالهويه
وبكل منبر شعر تلمع سيوفي
=== محمود شبيب ===
ليست هناك تعليقات:
إرسال تعليق