انا قاعد مستني
شعر رمزي دحرج
.........................
خدني الحنين وداني
في سكة عذاب مشاني
وكاس الهوان و سقاني
و ف حضن الشوك و رماني
ليه يا حبيبي بتذود حرماني
عارف انك مش قادر تنساني
ارجع نعيش مع بعض من تاني
انا قاعد مستني زي ما انا
من يوم ما كنا هنا
و روحي ماسكها بايدي
و بكل تجاعيدي
و بكل برودة الشتا
لسه انا مستني هنا
مطرح مانت سايبني
لسه بحطة ايدك
ماهو دمي بيجري ف وريدك
و قلبي تايه ف بريدك
و شوقي بيطفي لهيبك
و شمسك و حرارة صيفك
بتذود حرماني
و تدوب في جليدك
و بعد دا كله عايزتسبني
و انا ........
طالب وصلك و بريدك
ايه ذنبي اللي جنيته
و حبك يجري ف وريدي
..........................
انا قاعد مستني هناك
من ساعة مانا كنت معاك
يمكن تيجي و القاك
و بضحك و ف عز جفاك
مانا سايب روحي وياك
و انت هتقدر تنساني
انا عمري يا عمري ماهنساك
عايز تمشي خلاص
امشي و خد روحي وياك
لكن انا دايما
هفضل مستني هناك
يمكن تغلط و تجيني
و تحن عليا يا نور عيني
بحضن يحيي شراييني
خلاص مشيت خلاص
نسيت حبي و الاخلاص
نسيت انك حياتي
و دمع عيني الهادر
مش عارف حتي انساك
ولا عارف اعيش من غيرك
و ان كنت مشيت خلاص
هعيش انا ع الذكري ..
و الاخلاص
رمزي دحرج
ليست هناك تعليقات:
إرسال تعليق