' ''مش بنخاااااف....
مصر مش بتخاف يا خاين
يالي بتموت زهور ها
وأتت بالإرهاب بتقتل
نفس راضيه تروح قبورها
كل يوم تقتل ضحايا
أبرياء تهدم قصورها
وال صبايا تنوح وتبكي
على الراح يكسر ظهورها
كل يوم لابسين سواد
على الخدود تنزل شعورها
والقلوب في بلدنا تحزن
من المرار حاسه بكسورها
لا ياخاين مش حتقدر
للجبال تقلع جذورها
أو تفكر فيها مره
أن ممكن يوم عبورها
لا ورب الكون ما تقدر
للحصون تهدم جسورها
أو تعادي شعب كامل
خد عهود انه يصونها
أو نعيش خايفين قساوتك
نجري نتجنب شرورها
حتلاقينا كتير وراها
قبطي مسلم فوق نسورها
ايدنا واحده فينا نزرع
في الجبال نبدر بزورها
قصدنا نزرع ورود
في الربيع شامين عطورها
ومش حتقدر فينا تمنع
أن حد يروح يزورها
...........................
كلماتي جمال زياد
ليست هناك تعليقات:
إرسال تعليق