الإرهــــاب
.
أصلك واطي يا جنس كلاب
يظهر أصلك ف الإرهاب
.
تخدع ، تمكر ، تقتل ، تدبح
طبعاً عقلك ولّى وغاب
.
بسأل : ليه بتخلي حياتنا
نهر صراخ والشطّ عذاب
.
بسأل لكن عارف طبعاً
مش هيكون لسؤالي جواب
.
أيه هيفيدك قلّي يا واطي
ملعون جانا بدون أسباب
.
تدخل بيت الله وتفجر
تقتل واحد صلى وتاب
.
بس العيب والحق علينا
لما نآمن للأغراب
.
فين الحارس طبعا نايم
يدي فراخ الطير لغراب
.
فينك لما اخوانا اتقتلوا
فينك لما المجرم داب
.
شاطر تصرخ بعد خرابها
ترفض تسمع أي عتاب
.
بس أنا هشهر ليهم سيفي
واجعل يومهم كله هباب
.
يللا تعالى وروح ويايا
نقتل نكسب يا بني ثواب
.
يللا تعالى وقول لصحابك
مش هنسيب دم الأحباب
.
شعر
شرف أحمد عبدالناصر
ليست هناك تعليقات:
إرسال تعليق