يعني ايه تحبيني من بعيد
من سكات
وتحاولي انك توهميني
تفهميني
ان اللي كان حاضن شعورنا
اصبح يادوب ذكريات
يعني ايه اخرتنا دمعه
وشرخ في قلوبنا
وطفل صغير
مستنين ميلاده
ضحكوا علينا وقالوا انه مات
يعني ايه تبيعي
تضيعي
يعني ايه الورده
تتطرح ريحتها
وهي حاطه راسها
في سله مهملات
يعني ايه كل مااقرب
تحاولي تدبحيني
وتحاولي تداري حسك
لوعايزه تكسريني
لوعايزه تبعديني
وريني ياحبيبتي
عن حبك امنعيني
اصلي طيرواتربي عندك
والطيرلمايعشق
بيعشق مره واحده
بيحب الف مره
لكن احساسه واحده
انا عارفك رغم بعدك
اناحسك رغم عندك
بتجيني كل ليله
وتنامي بين ايديا
بحس باني عايش
ولعشقك ترجعيني
بحس برموش عنيك
تطمني رغم خوفي
افتح عيوني فجاءه
القيني وحدي ديما
مع انك جوه قلبي
دايمابتسكنيني
احمد عبدالحق
ليست هناك تعليقات:
إرسال تعليق