وردتين
فاكره لما يوم ماجيتك
وبأيديا ....دول هديتك...........وردتين
فاكرة لونهم
لون عيونهم ..........حتى فاكرة إزاي وفين
لما غابت.. عيني عنك
قلتي ضاع الحلم منك
كنتي قاسية
عاملة ناسية...............إني غبت يادوب يومين
فاكرة قلتي. إيه ساعتها
قلتي وردة وقلبي بيتها
شمتيها
ضمتيها....................كان في عينك دمعتين
وردة حمرا تقول ياشوق
لونها لون...... دم العروق
لون خدودك
فين وعودك...................ولا راحوا الكلمتين
وردة بيضا ولونها صافي
لون ملائكة وحضن دافي
خبتيها
مش لاقيها....................قلبي شافها برمش عين
هما دول..... الوردتين
والحكاية في كلمتين.
طارق عطية
ليست هناك تعليقات:
إرسال تعليق