الجوهرى عبدالله
/انت ولا انا\
مين ياقاسى..
اللى باع..واللى اشترى
مين فينا..اللى ناسى
مين اللى خان
عهد الهوى..
انت ولا انا
انا اللى حبيت
وبالعهد وفيت
وسلمت الفؤاد
وفضلت وحدى
ااقاسى نار البعاد
وانت فين ياحبيبى
لسه ماشبعتش عناد
تصدق بإيه..
مش فاكر ليك
غير الحنان اللى شفته
يوم فى عينيك
اللى حسيته..
من لمسة ايدى لايديك
ياللى نسيتنى
مش قادر انساك
وحشنى صفاك
وشارى العشره معاك
ماتبعش اللى بيهواك
وكفايه جفاك
راح تندم..
وساعتها هتدوّر عليّه
مش هتلاقينى هناك
مش هستناك
ياحبيبى..
مشتاق للقاك
ومادد لهواك
حبل الوداد
م العين دى ميّه
والعين دى ذاد
عود ياحبيبى وكفياك
قبل مايفوت الميعاد
جوهريات
ليست هناك تعليقات:
إرسال تعليق