حكايات زمان،،عبدالمنعم عدلي،،مصر
أحكي ياأيام
وكلمينا عنك زمان
لما كان فيه انسان
وقوليلنا عن رمضان زمان
زمان زمان وكان ياماكان
كان فيه انسان قنوع
والجار مايموت من الجوع
والدخل كان بسيط
والجيب كان عمران
من خير الرحمن
بقناعه النفس
والرضا بالمكتوب
زمان زمان وكان ياما كان
كان فيه ناس بيستنوا الهلال
ويفرحوا ويفرحوا الصغار كمان
ويقولوا الأشعار وإبتهالات القرأن
والنفس راضيه بالعيش والملح
وما حد ينظر لطبلية فلان
وفانوس رمضان يملئ المكان
ويمشي وراء مسحراتي زمان
ولما يقول
أصحي يانايم وحد الدايم
قوم وشوف بلدي
حتة من كبدي
أفديها بدمي وولدي
ويغني موال العبور
لما سطر التاريخ
عن ملحمة النصر
وغنت السمسمية
في ساعه عصريه
عن أم الشهيد
زمان زمان وكان ياما كان
كان فيه وئام وحب
بين الناس مش كلام
وإفتح يازمان صفحاتك
عن أيام زمان
ورجع لينا انسان زمان
بقلمي عبدالمنعم عدلي
ليست هناك تعليقات:
إرسال تعليق