(عشق كافر )
وحكاياتك اللى كانت
ليها عندى أولوية
لما شيلتى الماسك هانت
لما بان وش الأسية
والدموع اللى فى عيونك
لما بكٍت مرة قلبى
كنت بأعشق صوت جنونك
لما كنتى عاملة باربى
قلبى حبك! ؟......لا وربى
بس قلبى
كان برىء
لما شافك طفلة تحبى
كان بيرسملك طريق
كنت بافرح لما أشوفك
ماسكة ايدى وماشية جنبى
لما فعلا ناوية تقسى
يبقى ليه اخترتى قربى ؟
النهاية ومش هطول
انتى عندى نمرة أخر
لما كنتى نمرة أول
كان فى قلبك حب ساخر
فى الحياة غاويين تحول
كل بلدى بيبقى فاخر
الشيطان عندك ممول
واللى عشقك يبقى كافر
ليست هناك تعليقات:
إرسال تعليق