أدارى وأخبى بقلم الشاعر / على الطاووس

أغنية...أدارى وأخبى

أدارى وأخبى...

عنك يا قلبى...

ونا سهرانا ويا قمري...

عذابى فى حبى...

ما أنت اللى جيبته...

بوهمك لينا...

وقولتلى يلا حبى...

و أدينا حبينا و أبتلينا...

عجبك كده دلوقتى يا قلبى...

أدينا حبينا و هوينا...

و جرينا عليه برجلينا...

و هو و لا سأل فينا...

و أنت لسه يا قلبي...

بتقولى أصبرى شويه...

ح يجينا و تتهنى...

و الهنا من بين ابتسامته ح يظهرلى...

قومنا سهرنا الليل...

بدموع العين...

دى حتى نجوم ليلنا...

كانت بتحن علينا...

و بترسملنا...

عيونه مكانها...

بفجر جديد...

و أنت بتقولى يا قلبي...

يا لا دلوقتى نامى...

و أحلمى...

و أنتى بتتمنى...

مع فجر الحب اللى بيعدى...

بخيوط حب منسوجه...

بحب و أقعدى و أستنى...

ميعاد يجينا...

و ده عمره ماجه لينا...

و أنت بتقولى يا قلبي...

عليه بس أستنى...

بكره ح يبوح بالحب و يجينا...

مراسيل و ودينا...

و قولنا ح يرد علينا...

كل اللى حبو حواينا...

و من فوقهم عوازلى...

جالهم رد من حبايبهم...

و أحنا حاطين أيدينا...

على خدودنا...

و نازل عليهم دموعها...

وأنت بتقولى يا قلبي...

ح يجى ليكي و يعدى...

فل نادينا عليه...

بعلو الصوت اللي فينا...

فى أحلام شالتها المخده لينا...

نغمض و نفتح عليها عنينا...

و أنت بتقولى يا قلبي...

الصبح ح تتحققلى...

أحلامى اللى فى عقلى...

يبقى كده أنت لسه...

مش فاهم بقي يا قلبي...

أن أحنا حبيبنا...

واحد الحب لعبه فى يده...

بيلعب بيها علينا...

بقالو سنين و سنين...

و هو بعيد عنى...

و لسه ملوعنى....

جربنا كل سلاح فى أيدينا...

و رمينا عليه شباكنا...

نظره من عنينا...

برمش يدبحنا...

نحنحه فى صوتنا...

غمزه كده ضحكه كده...

أنه ياخد باله منا...

و يرمى علينا سلامنا...

ده مش ممكن...

لو تسمح بقى يا قلبي...

خلينى أنا بقى اللى أقولك...

تعالى نبعد أحسلى...

قبل مايجرحنا...

و نعيش بقية حياتنا...

مظلومين...

من أبو عيون حلوين...

و من الحب و اللى ظالمنا...

و علشان كده...

أنا عماله عليك...

أدارى و أخبى...

عنك ياقلبي...

عذابى فى حبى...

ما أنت اللى جيبته...

بوهمك لينا...

و قولتلى د يلا بقي حبى...

و أدينا حبينا و أبتلينا...

عجبك كده دلوقتى يا قلبى...

أدينا حبينا و هوينا...

و جرينا عليه برجلينا...

و هو و لا سأل فينا...

و أنت لسه بتقولى يا قلبي...

أصبرى عليه شويه...

بكره ح يجينا...

وبيه ح تتهنى...

طب أسكت بقي شويه يا قلبي...

مع تحيات شاعر الوجدان الشاعر السكندرى/على الطاووس