لايلدغ المؤمن !
سِيدْنا النبى من سُنِّتُه .... عَلِّمْنا نُنْظُر فى العَواقِب
لكن تلاقى غَرَابَة فينا .... معرفش ليه الفِكْر سالب ؟!
......................
غَلَطْنــا يتكــرر بسهولـــــة .... ونحُط إيدْنا ف نَفْس الجُحْر
ونقول تِعَدِّى ونْمَشِّى حالنا .... متوكــلين دايمــاً ع السَّتْـــر
.......................
العقل قال أنا فايدتى إيه ؟ .... حــذرتكم ليــه ماسمعتــــوش ؟
مش كل مرة بتسلم جرَّة .... قاعدين بتدعوياحوَّاش حوش
.........................
يعقــوب حكايته مــع أولاده .... دى عِبْرَة لينـا لـو نفهم
جُم بعد يوسف طلبوا أخوه .... قال تانى ليـه مش بَتْعَلَّم
............................
واحنــا اتقرصنـا كتيريامـا .... وبرضه فُرْقِتْنا كبيـــرة
ايمته العرب يصحو لتغيير.... غفلتنــا والله خطيـــــرة !
..............................
بنقول على حمارنا غبـــى .... ولــو غلــط مـايكررهاش
ناخــدوا لأول مـرة الغيط .... يروح لوحده ولا ينساش
حسن رمضان ـ كبير باحثين بالوعظ بالأزهر الشريف .
ليست هناك تعليقات:
إرسال تعليق