الفراق مش عيب
ومين قالك تروح وتغيب
مفيش مره تطمني
خلاص ماعدش بنا نصيب
وقربك مش مطمني
صحيح إن الفراق مش عيب
ياريت تبعد وتفهمني
لاهيودي الكلام ويجيب
لا هظلم فيك وتظلمني
ياريت تلزم بقي حدك
وتتكلم علي قدك
أنا مابقتش من بختك
ولا انت بقيت بتلزمني
لاتتكلم كلام جارح
أنا واضحه فكون واضح
وتنسي كمان كدا امبارح
وتبقي أكيد كدا فاهمني
===============
حياتي وحره انا فيها
ولا اقبل حد يقسمني
ولا انت حفظتلي عليها
وكنت كتير بتوهمني
بتوهمني بهواك ليا
بتكدب ليه بقي عليا
مشاعري مش لتسليه
ولا عمرك هتهزمني
ياريت تلزم بقي حدك
وتتكلم علي قدك
أنا مابقتش من بختك
ولا انت بقيت بتلزمني
===============
أنا مقبلش أربط بيك
حياتي وانت سايبني
وطبعك هو واضح فيك
بترتاح لما تظلمني
ولا حسيت معاك بأمان
ولا تعرف تصون إنسان
معاك فعلاً كتير بتهان
ياريت تبعد بقي وسيبني
ياريت تلزم بقي حدك
وتتكلم علي قدك
أنا مابقتش من بختك
ولا انت بقيت بتلزمني
===============
احمد طلبه
٢٠١٧/١١/١١
ليست هناك تعليقات:
إرسال تعليق