كنت بحبك
كنت بحبك كنت بريدك
كنت جمال الدنيا بإيدك
كنت حبيبك
كنت الفرحة إلى على جبينك
كنت حياتك كنت سنينك
كنت الضحكه الحلوه فى عينك
كنت أنا همسك كنت حنينك
كنت حياتى أيوه حياتى
كنت وتينى ونن عيونى
وقت الفرح بتبقى الضحكة
ووقت الحزن بتبقى الدفة
الى تقوينى
ووقت الحيرة أنت سبيلى
كنت بحبك حب جنونى
وأنت غدرت
خنت وبعت
وأنا علشان حبيتك
برضه عزرت
قولت ظروف
وكلام كده فاضى
كنت بحب
كنت بموت
كنت بضيع
كنت بودع من غير صوت
كنت رضيع
طفل بريء
معرفش خيانة
كنت مسلم كل مشاعرى
وبكتب شعرى
وبعزف على وترى احزانة
كنت بحبك
كنت بريدك
كنت بقول يمكن تتغير
يمكن مرة تحس بحبك
ونبض القلب إلى صبح موت
بس ازاى هى هتتغير
وكل حياتها هبوط فى هبوط
كنت بحبك
كنت بريدك ..
ليست هناك تعليقات:
إرسال تعليق