** الغربة ** بقلم ** وائل مسلم **
يا غربة مهما تطول السنين
لسة جوايا لبلدي حنين
يا مصربعدي عنك خلي القلب في انين
عطشان لمية النيل وفي نفسي اشتياق لاهل بلدي الطيبين
بحب بلدي وفي غربتي حاسس بالوحدة وحزين
يا تراب بلدنا يا غالي مشتاق ليك يا وطن
وبحب اولادك يا مصر المخلصين
مشتاق للاهل وفي القرب عشمانين
وحشتني الخضرة والزرعة والطين
وحشني الحضن اللي مليان حنان وامان
واولاد بلدي اللي بسمرة الارض معجونين
وحشني الرجال الاوفياء الجدعان
يامصر يا حبي يا حتة من قلبي لازم في يوم راجعين
وحشني الناس الغالين في بلدي وبعشق اهلك الحنينين
اللي في الازمات والشدة رجالة مترابطين وفي السلم مسامحين
يا بلد الرجال حبنا ليكي لايقدر بمال يا بلد الابطال اللي في الحرب فدائين
وحشتني الصداقة والعشرة للاخوة اقباط ومسلمين ودفعة الجيش الرجالة الغالين
وحشني السهر والسمر في ليالي الازهر والحسين يحفظك ربي من الاعداء الحاقدين
دي مصر هي الضلة والشمس الدافية يحرسك ربي يا غالية من الارهاب ويبعد عنك العين
ودايما يا مصر للامام رغم كيد الكائدين ويحفظك من شر افكار الارهاب اللعين
دي مصر هي حياتي وغايتي وامنياتي والدم اللي بيجري في الشراين
محفوظة ياارض الكنانة ومذكورة في القران وكل الاديان ادخلو مصر ان شاء الله امنين
ليست هناك تعليقات:
إرسال تعليق