انهض و اجهض
قالوا بصيص النور يعطينا الامل
صلّوا الشمس بخور اجهدنا الوِصل
هالنور اللي صليت مٓنو بقطرة زيت
اللي بحاضرك عبيت يبقى للازل
لمستقبل الانوار عم ندعي الصفا
نطلب بعد اضرار و نطلب بالعفا
حدود الفكر اوهام و ايام ما بتنام
يللي بفكرو صام بالعفة انجبل!
خلي الوعي احكام مهلك بالعجل
لدهور عمر الشمس و نجوم الفلا
تبعث بصيص بهمس عالكون اعتلا
كتر الصلا و الصوم شو الل بينفعك
كتر البكي و اللوم جفف مدمعك
بمسلكك بالعف و اخلاصك أجل
انهض واجهض فكر مرمر بالعسل
بعمر الفكر ما يكون بطباعو دٓني
يسيطر عليه الخوف ل بضعفو بني
صوّان قلبك صون حتى الفكر يهون
مش هم لو مجنون قالوا بالملل!
ربك عطاك السر و عليك العمل
رامز عيد
20/05/2017
جزيل شكري و فائق احترامي لمجلة الابداع للشعر و الأدب على نشر شعري المتواضع في صرحها الراقي و اخص بالشكر و التقدير الاستاذة العريقة شاهندا محمود
ردحذف