الدنيه العجيبه
_________
أنا أشخلاني أَحبك واشغل البــال ؟
وأَتيـــه أويـــاك بالدنيـــه
العجيبه
وأَواسي الروح من اسمع المـوال
وأكلهه الدنيه حلوه وبيهه
طيبه
جمالك شلع كلبي وحــمل وشــال
وحزن كَلبي على افراكَـ
الحبيبه
ولكَيت ابذاتي طبعه اتبدل الحـال
ودنيانـه غدت مشحونه
غيبه
ذبه ورا ظهرك كلشـي بيه قــال
واحفظ روحك وابعـــد
العيبه
لأن قيمة عمرنه أبهاي الأفعــال
والمدرك يظل هـــــوه
وحليبه
وفهم الذات لا تنتــهز مختـــــال
وأبلحظة ضعف تنكَلب
ذيبه
وذل الجســد بالعفــه ولجـــــلال
وبالأيمان طفيلــــــــه
لهيبه
وظل امشي ابهيبه بين الأنــذال
وابعفة نفس ما بيهه
ريبه
ومن يحتاجك ويصرخ الـــدلال
لبيله اليريده كَبل
شيبه
________________________________
الشاعر/ فالح حسن الجابري
_________________
6/11/2017م
ليست هناك تعليقات:
إرسال تعليق