من كلماتي : عوض الله عبدالرحمن ابوشيبة
➰ القمر الخجول ➰
طالت الأيام علينا
وتشابهت كل الفصول
لا قمر في دربنا عدا
ولا نجم لينا بيقول
🎵🎵🎵
سهرنا منتظرين ايابك
والمدة كم لينا بتطول
يا قمر في سمانا هلا
بعد أن كاد الافول
🎵🎵🎵
نحن منتظرين نشوفك
انت طبعك ليه خجول
الحلم داعب خيالنا
بعد أن صابو الخمول
🎵🎵🎵
يا زهر عطر ديارنا
ويا مطر أروى الشتول
ما تبقي عنيد و جافي
يا قمر عز الرسول
🎵🎵🎵
عاود التحنان وارجع
في الشهر أو كل حول
اصلك انت عزيز علينا
انت لينا أعز زول
🎵🎵🎵🎵
ليست هناك تعليقات:
إرسال تعليق