ها ياكلبي تكول ماينسوني
الجنت شاريهم اسف ينسوني
ها يگلبي تگول همه أهل الوفه
وبالعشگ أحضانهم بيه الدفه
نام جرحك هم گلت عدهم غفه
وتالي بسوگ الغزل باعوني
ها ياگلبي تگول ماينسوني
مو نسوني وعافو أيام العشگ
وأنت أبنار البعد هلتحترگ
جذب حبهم وانت أتگلي صدگ
ليش بالفرگه شعجب جازوني
ها يگلبي تگول ماينسوني
صدگتهم ياگلب وأتعذبت
جم جرح جرحوك گلي وماتبت
الجرح خزّن وتگلي طبت
بلا دوه عافوك ،،وهم عافوني
هايگلبي تگول لا تنسوني
أبو رؤى الدوسري
ليست هناك تعليقات:
إرسال تعليق