..غيرت الكالون ..
هو أنت غيرت يابني الكالون
ولامفتاح أبوك اللي معاية الله يرحموا صدي
متحملش ياولدي هم الديون
أفتح أرجوك أنا مش جاية عشان اتغدي
---------------------------------------------
أستحملت مراتك ياكبير
وباقول ده قدر
وحلمت بحياتك كتير
علي طول في خطر
---------------------------------------------
لميتلك قرشين من ولاد الحلال
وده دين كان عليهم ليا متخفش
وكمان عليهم تمن ياواد الخلخال
وكان متقل رجليا فالمشي
---------------------------------------------
الدنيا عتمة ومفهاش أحباب
وحشني سريري والدولاب
طب هاتلي هدمة أو حتي شراب
ملكش غيري طب بصلي من عقب الباب
---------------------------------------------
مادام سامع ومش عاوز تفتحلي
هجيلك كمان يومين
بنام ف الجامع ابقي تعالي اندهلي
وأهو منها تصليلك ركعتين
---------------------------------------------
بقلم /علي عواد
ليست هناك تعليقات:
إرسال تعليق