سكوت هنصور
بقلم محمد الصيرفى
سكوت هنصور الكل يفرد الوشوش
ويورينا ضحكته فى وجهه البشوش
الصوره تطلع جميله من غير رطوش
والجمال اللي فيها رسمت الرموش
جمال رباني وكأنه رسم منقوش
هنصور تعالى بقا للحظه نعيش
ونطلع فى الصوره سوى بلاش تطفيش
دا الصوره كانت زمان بالقليل من القروش
حكت عن جدي ومجده أيام لبس الطربوش
وعرفنا منها تأريح أنا وأنت منوعهوش
الصوره كتاب منظور يا ريت منهمشوش
وهيوصل تأريخنا للأجيال اللي لسه ماجوش
سكوت هنصور ونحكى على أصحاب العروش
وعن كل اللي لا يهمه فى الدنيا الأ جمع القروش
تناديه للحق والوطن لا يسمع وكانه مطروش
تكلمه وتطلب منه تاخد منه تطنيش
سكوت هنصور واقع احنا ليه بنعيش
ثمن اللحمه زمان يجيب الان جبنه قريش
والا أسعار الفول والخضروات والعدس المجروش
والا الرشاوى بيقولول عليها انها بقشيش
هنصور فيك ايه يا زمن ما كله مغشوش
سكوت هنصور يمكن نلاقى الا مشفنهوش
ونسمع ونشوف بالصور الا عيونا متعرفوش
ليست هناك تعليقات:
إرسال تعليق