قولولي بقا...................... موثقه من ديواني الاول
قولولي بقا
هوا انا لواحدي ال عاشق
في الزمن دا ولا ايه
قولولي بقا
هيا كل الناس بحالها
واخده بالها
مني ليه
ما تسيبوني يا ناس ف حالي
كل ما اجي اغني غنوه تنسوهالي
كل ما اعشق واجي ابدا
قصه حلوه تقولوا
كلمه تقلق منامي
كل ما ابني يايدي ضله
تهدوهالي
ما تسيبوني ياناس ف حالي
هوا انا سلطان زماني
ولا قصري
كبير وعالي
وفيه عبيد
وفيه جواري
ولا انا ابو زيد الهلالي
ما تسيبوني يا ناس
في حالي
بصوا شوفوا بيان ميلادي
بين حروفه حبة اسامي
جوا منهم دمي حامي
عمري مابوست الايادي
حتي لوكان حكم قاضي
اوكان غرامي هيموت قصادي
وحبي ليكو واعتزازي
.......علاءزايد
من ديواني
ليست هناك تعليقات:
إرسال تعليق