‘‘‘‘‘‘ وحشتيني ‘‘‘‘‘‘‘
وبتحلفك سنيني
وتقولك وحشتيني
عدت سنين علينا
بعيدة عن عيني
ياواخدة الحلم مني
ولا شئ منك يطمني
ليه بتبعدي عني
نفسي تشوفك عيني
عمر وزمن بيعدي
وانتي بتعشقي صدي
وأنا زايد فيا عندي
لا بأجيلك ولا تجيني
مين فينا كان غلطان
مين فينا عمل زعلان
ماتيجي ننسي اللي كان
وبضحكة صفا ترويني
أنا كنت زمان عندك
سر الليالي ف سحرك
وبيطمني كتير حضنك
ما تعيدي الزمن وضميني
غلطان أنا أو إنتي
مبقتش تفرق عندي
روضي غروري وعندي
إندهي ف لحظة تلاقيني
عطشان وكاسي شفايفك
تايه وبيتي ف حضنك
نفسي أحس بنفسك
وتوهة عينك وعيني
مدي إيديكي وقربيني
رجعي فرحة سنيني
من تاني قيدي نار حنيني
ده حبك سره علي جبيني
ف عز جنوني كان عقلك
ياما صالحتي لما زعلتك
وإحتويتي جنوني بحلمك
كملي جميلك وصالحيني
عارفة إني صعب الإعتذار
وغروري طبع مش هزار
وإنتي زي شمس النهار
بدفا حضنك تعالي ضميني
لا هتلقي عتاب مني ولا لوم
بس همسة وضمة كام يوم
نبدد بيها اللي بيننا من غيوم
وتسمحيلي أقولك وحشتيني
‘‘‘‘‘‘‘‘‘أيمن بلال
ليست هناك تعليقات:
إرسال تعليق