المعاق:
حضرت جدالا بين شخصين أحدهما مكفوف والثاني سوي،
انقله كما هو:
--""كل منقوص منحوس"
-''شكون فينا اللي ما فيه نقص؟
الكمال لله يا ابو عقل ملحوس
'--انا نقصي باين وعارفو
''وانت فيك كاين وماشايفو
انا عندي عمى البصر
الاخطر هو عمى القلب يالبشر
شحال من مكفوف
كيتقدم الصفوف
تحدى الاعاقة
وعبر التاريخ صار معروف
شحال من واحد
مات وبقى خالد
خذ المعري وطه حسين
والى بغيت نزيدك خرين"
-- ''ألشي اللي ناقصكم
زايدكم ف اللسان"
--""اللسان تيعبر على الذكاء
وانت عندك راه يعبر على الخواء
ياك تايقولو :"تكلمو تعرفوا "
ها انت تكلمت وتكشفت
وكن سكت ما تفضحت
مظهرك كامل
و الفكر عندك غامل
نقصي ف صورتي الخلقية (١)
اما نقصك ففصورتك الخلقية (٢)""
-''-ما فهمت والو من كلامك''
-""-عندك نقص ف فهمك
هذا ابتلاء ولازم ليه نصبر
ماتشفى ما تحكر g
ما عرفت باش ينتهي بك العمر
شد بيد المعاق لا تزيدو قهر""
""وفي الاخير تقدم السوي للمكفوف يعانقه ويعتذر منه."
(١)بكسر الخاء
(٢)بضم الخاء
عمر بنحيدي 20/11/2017
"
ليست هناك تعليقات:
إرسال تعليق