فلاح وبعيشتي انا راضي
وطين الارض راس مالي
وبعشق دنيتي الخضرا
ويوم حصاده يهنالي
وبيت بالطوف بيحضني
وغير بابه ما يهنالي
وبعشق نومي من بدري
وساعة الفجر تلقاني
اقابل رزقي بايديه
ولا اكون انا الجاني
على نفسي لو اتأخرت
وراح الرزق ما جاني
انا العاشق لطين بلدي
انا الشقيان على طعامي
انا الحالف لصون وطني
وغير وطني ما يحلالي
انا الفلاح انا المصري
انا الفاحت فروع نيلك
ومهما عليا يوم تقسي
انا اللي برضو هغنيلك
..محمد مقيبل حمد
ليست هناك تعليقات:
إرسال تعليق