مش كل حاجه تشغلنا هاتكون دافع لنجاحنا وتسعدنا وتفرحنا.
ممكن تكون بدايه لنزول دموعنا وفشلنا وتشويه صورتنا.
لازم نصبر ونهدى ونشوف حل أفضل يناسبنا ويريح أعصابنا.
مش نتسرع ونضيع كل حاجه ف لحظه ع أساس هاتكون ف صالحنا.
ناخد رأى اهل الحكمه وازاى نقدر نقرر عشان محدش يلومنا ولا يعاتبنا.
ونخسر أعز شئ بالنسبالنا بعد شقانا وتعابنا ونتوه وسط الزحمه ومحدش يعرفنا.
نحكم ضميرنا ونخاف ع فلوسنا ونشوف الأفضل اللى يريح قلوبنا.
ونراعى ظروفنا ونحاول نهدى من طباعنا ونمارس نشاطنا لحد ما ربنا يوفرهنا.
هتبان علينا النعمه عشان صبرنا وحافظنا ع كل شئ جميل كان معانا وملك إيدنا.
لاخونا ولاغدرنا ولا لعبنا بشخص كان ف يوم حبيبنا ومعاشرنا.
ونفذنا رغبتنا والنجاح كان ف انتظارنا والكل فرح بينا واحترامنا.
ممكن نكون انحرامنا لكن عشان النجاح يحالفنا والسعاده تعم علينا وع أولادنا.
لازم نشوف المر عشان نتعلم من الدنيا ونحس بمعنى المسؤليه وبعدها السعاده تكون من نصبنا.
خطوه خطوه تيتحقق أحلامنا وترتاح قلوبنا وضمايرنا والخير يعم ع بلدنا.
ونرضى رب العزه ونعيش الحياه براحتنا وتحلو الدنيا ف نظرنا.
دى قصيده مهمه اكيد هاتفدنا ونتعلم ان الصبر سر السعاده بالنسبالنا.
مهما مرت الأيام ربنا ف يوم هاينصرنا ويزيل دموعنا وعذابنا.
شاعرالعصر صاحب كلمه لها مضمون ومعنى بتكون ف صالحنا .
ونقول يارب سامحنا وابعد الشيطان عن طريقنا وارضينا وحسن من أخلاقنا.
الشاعر/طاهرمختار
شاعرالعصر/تحيا مصر
مساعد عام بثقافة كفرالزيات
لحزب مصرالقومى
ليست هناك تعليقات:
إرسال تعليق