شعر غنائى.:محسن النجار ( كان اللى كان )
كان اللى كان..من قصتي فى يوم زمان
يوم اللى تاهت بسمتى. .من اللى كان
انا كنت عايش لحظتى. فى جنة عطور
فيها المحبة والهنا ويا الطيور
غدر الحبايب يوم بعد يوم .وكانت صدمتى
فى لحظة قتلوا مهجتى
وهى يلا وقعت فرحتى
من اللى كان
من اللى كان
فين اللى كانوا فى الهوى شايفينا خير
وكمان يقولوا عننا كلام كبير
وخلاص يادنيا . ليه كده الحب راح
والشوق ودبلت لمعته ويا الجراح
من اللى كان
من اللى كان
فين اللى كان .أيام زمان. بيقول علينا دنيته
يحلف كمان. إن احنا نور فى سكته
مين اللي كان. قلبه يدوب. فى حروف كلامنا ورقته
ييجى المكان. يقول ياعمرى ودنيتى
صوته يتوه ودموعه ساكنه وجنته
دا كله راح مع الجراح
من اللى كان
من اللى كان
ياما قلتوا ياما. على قلبنا كلام جميل
وقلتوا ياما. لقلب تانى. الحب عمره مافيوم يميل
ياخساره. اه.......الوعد تاه. وخيوط عهوده دابت معاه
ودا اللى كان . .من يوم زمان
كان حلم راح. ...والدمع غرق سكته
ودا اللى كان .من قصتي
كان اللى كان
كان اللى كان.
ليست هناك تعليقات:
إرسال تعليق