قصيدة ................. بعلو الصوت !!
*********************
أحبك لو طريقك سد
وأعيش فيكي سنيني بجد
ولا خايف
ولا متهان
أعيشك نبض كله حنان
م أنا منك
ومن علمك تكون فرحتي ألوان
ومش خايف
ولا شايف
ف نني عيونك إلا الحُب
فضميني ولا تخافي
سنين حرمان
أنا منك
أنا الغلبان
أنا الشقيان على أرضك
أنا التعبان
أنا اللي غزلت من توبي وداد ليكي
وعشت سنين وأنا عريان
أنا اللي جوبت أراضيكي
ألملم قلب أشلائي
ف وسط غيطان
زرعتك حلم ف عيوني
رويتك دم
وجيت احصد كدا فيكي
ليالي الهم
أنا أبنك
أنا حُبك
أنا المكتوب على أرضك
حروف عرفـــــــــــــــان !!
بقلم / الشاعرناصر رمضان
ليست هناك تعليقات:
إرسال تعليق