يوم الخميس
م المدرسه..
للبيت..
جرى ع الشارع
وكأننا محابيس
-ياولد..ياولد
-الله يرحمك ياامى-
يكون الواد..
فى ميدان رمسيس
مكان انتظارنا..
انا والولاد اصحابنا
وصلنا..ومنه عبرنا
لعماد الدين..
نبص..بصه
ونحود على ميدان
الاوبرا
من اخر شبرا
جيين..مشيين
ماكنش ف الحصاله
حساب للاوتوبيس
كانت الرجل..عافيه
تدب مطرح..ماتحب
وكل مشاورنا..
فردة كعب..
تلاقينا..
فى وسط البلد
ماسكين..
فى ايد..تذكره
والتانيه..كيس
لب وسودانى
واحلام شكلنا
على ادنا..
من سننا..
بنت الجيران..
على سطحنا
فيلم سيما..يشدنا
وحاجات كتير بتلمنا
وتاخدنا للمريخ
وتجبنا..ع البيت
تكمل الليله
بكلمتين توبيخ
من ست الحبايب
تقلب الاحلام..
كوابيس
يوم الخميس
جوهريات
ليست هناك تعليقات:
إرسال تعليق