##يافرحه فينك##
بموت م الوجع
لما بيزيد الألم
وقلبي م اللي باعه
اتوجع
غرقان في بحر الندم
خلاص هنسى اللي فات
وكإنه راح واتعدم
هرسم لنفسي ذكريات
بالشعر واكتب يا قلم
يا فرحه فينك
تهتي مني ورحتي بعيد
وراح حنينك تاني عني
من جديد
نفسي أشوفك معايا
والإيد في الإيد
يا فرحه فينك
ببعدك غيرتي شكلي
وأسيتي فيا
وبقسوتك زادت مشاكلي
وكترت عليا
وبغربتك سالت مني
دموعي
على خد أصفر لونه فيا
إنتي إمتى تبقي ليا
وإمتي بيكي أكون سعيد
يافرحه فينك
تهتي مني ورحتي بعيد
نفسي أنسى كل حاجه
مرت عليا
نفسى أشوف دنيا
غير الدنيا ديا
نفسي أحس بحاجه
أحلى م اللي بيا
نفسي أدوق طعم الحياة
نفسي أفرح مقولش آه
وأضحك تاني من جديد
نفسي أعيش طول الحياة
فرحه وأمل ونجاح أكيد
#محمدالبدراوي#
ليست هناك تعليقات:
إرسال تعليق