انا المجلود بضرب السوط ...
و راضي وبرضه مش عاجب ...
و منعوا عني اعمل صوت ...
لجل ما يكمل الواجب ....
انا المنسي ... انا المتهان
و كان اسمي ف يوم انسان ..
صدقوا بجد أهل زمان ...
مفيش عين علت حاجب
انا المربوط ف ساقيه سنين
مغمض عين و فاتح عين ..
و مستحمل و أقول يمكن ...
ف يوم يجي بشر تانيين...
يردموا الساقيه.... يفكوني
و امشي حر و عيوني ...
تشوف النور...
أما اللي ظلموني
هاحاسبهم حساب ملكين ..
علي كل ما عدى و كان
انا المنسي ... انا المتهان
و كان اسمي ف يوم انسان ..
صدقوا بجد أهل زمان ...
مفيش عين علت حاجب
سيد صادق
ليست هناك تعليقات:
إرسال تعليق