بفتح شباكي..شعر الأستاذ/محمود
القطوعي ...
بفتح شباكي..اشم الهوى...
لقيت قطه ..جوه عربيه قديمه...
نايمه وحواليها..عيالها...
بتلعب معاهم ..بنيه سليمه...
وحب جميل ..وتسيب ديلها...
تلاعبهم بيه..ذي لعبه كريمه...
لاتمل ولا تتعب..وفرحانه...
بيهم..هي الأم ..وهي الحكيمه...
ولاتعرف حد ف البلد...
وتبص على كل الناس السليمه...
ولاحد ياخد لقمتها..ولايظلمها...
والرزق يجيلها..ذي الوليمه...
تاكل وترضع..وتضحك...
والضحكه.. من قلبها عظيمه...
مبتعرفش الا..حاجه..ولادها يكبروا...
وتسلم طريقها ..ليهم ..بروح حليمه...
تروح ويجي غيرها..ولا قانون...
ولاحراميه..ولاتعذيب..ولا تغريمه...
شعر الأستاذ/محمود القطوعي...
ولا تعرف حرب ولارصاصه...
ولاطمع ف ارض ولا كناسه...
لو فيه صوت تجري ..بعيد عنه...
وتشم ريحة ..كل طبيخ ف طاسه...
تدعي ربنا يرزقها..وتلاقي رزقها...
يجي لعندها ..لوحتى جوه غواصه...
واحنا في همنا..عكسها تمام...
عندنا الطبال والعده والرقاصه...
واللي يحبوا..يسقفوا..ويمثلوا...
ويمشوا مع الزفه ..والنخاسه...
وعندنا بيوت ..مصنوعه ...
على اخطبوط..وناس غريبه...
وطباع عجيبه..مش منقاسه...
وناس تهلل وتكدب ..وتاكل الأرزاق...
وتمص كل حاجه ..ما تخلي مصاصه...
وترمي فلوس وتبعتر...
ع الكفره وع القفاصه...
وحلق حوش ..يارب الوحوش...
من كل حته ..جم وجابوا خراب وتعاسه...شعر الأستاذ/محمود القطوعي...وكل عام وانتم بخير ...
ليست هناك تعليقات:
إرسال تعليق