محمد عبد العزيز دراز
آدم و إبليس
آدم لما إتخلق الملايكه سجدت ليه
إلا إبليس اللعين الكبرسيطر عليه
وأقسم بعزة الله هيغلب آدم ويغويه
دخل لآدم الجنه ولف كتييير حواليه
وحلف بالله لآدم إن الشجرة هتحييه
آدم بفطرته صدق إبليس السفيه
ولما حس بغلطته والسوء بان عليه
لجأ آدم لربه عشان يسامحه ويهديه
ربنا غفر لآدم وعلمه دعاء يدعيه
وجعل الآرض سكن لإبليس وليه
وأول جريمة كانت بين الاخ وأخيه
إبليس زرع الكره وقال ماليش فيه
وسال الدم ع الارض وخسرآدم بنيه
وشجرة الكره فرعت وع الحب بتغطيه
الكره عشش في القلب واتحكمت فيه
ارسل ربنا الرسل تعلم البشر وتهديه
تقول الجنه للمؤمن والنار للي يعصيه
وإبليس مصمم يدخل البشر نار تكويه
وصراع من خلق آدم إبليس ناجح فيه
إلا من رحمه ربه وع الصراط هاديه
متمسك بدينه وقابض ع الجمر بإيديه
صراع ومستمر ربنا ينجينا منيييه
ويحسن ختام كل البشر وتكون الجنه ليه
ليست هناك تعليقات:
إرسال تعليق