بنات الناس
أنا واد جن قوي وشطور
ألف وادور زي الدبور
أدلع توتو وأقول كوتوموتو
وأطلع من كباريه لماخور
مقضي حياتي من دي ل ديهيا
زي القرموط كدا في المية
أتزفلط حبة وحبة أتقرمط
لحد ماأوقع 100 بلطية
في يوم وانا سهران في الكبارية
وعامل فيها سعادة البيه
شفت ساعتها سماح بنت اختي
والفستان عريان سواريه
بترقص مع واحد سكران
يتلولو زي التعبان
ساعتها عرفت أنا وإتأكدت
إللي يدين لازم يندان
واللي فتن في بنات الناس
لازم يشرب نفس الكاس
واللي في عرض الخلق يدوس
لازم برضو ف يوم ينداس
بقلم طارق السيد
ليست هناك تعليقات:
إرسال تعليق