عصفــــــــــور الجنة مجننى
بجمــــــــــاله ملغبط تفكيرى
ألحــــــانه الحلـــوة بتطربنى
وبتعــــــزف حُبه فى شرايينى
لو فكـــــر يــــــوم يبعد عنى
هأستنى معــــــاه لمــا يجينى
مقدرش فى يــــــوم أبعد عنه
بتمنى الكلمة فى يــــــوم منه
إزاى فى البعــــــــد أطمن له
والعـــــــالم كـــــــله بيشكينى
علشان أنا وحدى اللى أخدته
من بين العـــــــــالم وحبسته
جــــــوايا كمان حس براحته
واتمنى يعيشنى بمضـــامينى
عصفور الجنة د أحــــــــلامى
دايماً فى غيابه قـــــــــــــدامى
يا عيونى حـرام أوعى تنامى
ولا عمره هايهرب من عينى
تغريدة صــــــــوتك بتطربنى
ويا رب فى لحظة ما تحرمنى
أتمنى العمـــــــر يعيش جنبى
عصفورى د كـــــــــل محبينى
أتمنى العمـــــــــر إنى أعيشه
وجمال الدنيا فى لــون ريشه
وسعـــــادة الدنيا أبقى وليفه
د حبيب القلب ونــــور عينى
عصفـــــــــــور الجنة مجننى
بجمــــــــــــاله ملغبط تفكيرى
الشاعر / ناصر عبد المقصود
ليست هناك تعليقات:
إرسال تعليق