#بلاش_تخاريف...#الشاعر_صبرى_أبوطالب...تحياتى للجميع...
---------------------------------------------
#بلاش_تخاريف
لا كنتى ربيعى...
و لا عمرى أعيش لخريف
يا قلب مشاعره دبلانة
و إحساسه مجرد طيف
لا كنتى حضن دفانى ..فى لسعة برد
و لا لونتى أيامى..بلون الورد
و لا نسمة هوا صافية...
فردت جناحها عليا فرد
بكل هدوء كدا عدت...
تهف عليا وتهفهف
مشاعرى معاها واتشدت
و قلبى بشوق..فى السما رفرف
عليه آمنك...لكن غدرك
سبق سهمه..وقع ع الأرض
فى عز ما كان مصدقها..أوام قلبت
طوفان إعصار..و قسوة و نار
و جرح ملوش فى قلبى كرار
سراب عشته و سحابة صيف
أدائك كان أداء مُقنِع..
و جرحك ليا كان مُمتع
و دمعك وهم...مش ممكن
و أوسكار ليكى فى الإخراج مع التأليف
أنا اللى شيطان...يا قلب ملاك
برىء طاهر..كدا ونضيف
و تستاهلى شابوه منى
و ألف أُوليه..مع التصقيف
بقلم الشاعر/ صبرى أبوطالب
ليست هناك تعليقات:
إرسال تعليق