....الغاليه......
مصر يا ام الدنيا بحالها
فيا عشقتك عشق جنون
يا ام النيل الخالد فيكي
منه بيشرب.ميت مليون
كل بلاد الدنيا بحالها
قاسيه وفيكي الطبع حنون
مهما اتغرب يوم وارجعلك
تاخدي بايدنا الصعب يهون
شايف كلمه بتخرج منك
شايله الرحمه وتدي العون
مش حنساكي يابلدي الغاليه.
يالي حنانك غطي الكون
يالي ولادك فيهم غيره
مش بالساهل انه يخون
واخدين عهد معاكي يا بلدي
أن لعرضك يوم حنصون
وال يفكر يوم ياذيكي
فاتحين قبره مهما يكون
دا انتي الغاليه ومالكه قلوبنا
جوا النن وساكنه جفون
مصر يا ام الدنيا بحالها
فيا عشقتك عشق جنون
........................
كلماتي عاشق وطن جمال زياد
ليست هناك تعليقات:
إرسال تعليق