(ملاك إنسان )
وبحق جاه النبى
والعشرة والأحلام
مطرودة من مذهبى
وملعون أبوها أيام
لفى البلاد واندبى
واحكى فى كلام أوهام
اجرى بعيد والعبى
وانسى اللى بيننا زمان
انسى اللى فات او حصل
حضن وأمل وحنان
جيبتى المرار فى العسل
مين اللى باع أو خان
قلبى اللى حب البشر
بطل يكون إنسان
أول ما قلبك وصل
قدم سنين حرمان
هاتى مية كتاب واكتبى
قلبك جمل واتهان
لو مهما تتدحلبى
وضعك خلاص نسيان
تشوفينى او تهربى
تطوى المكان بمكان
دوقى م المرار واشربى
ما هو ياما دوقتى حنان
اسف يا عم القمر
اسف يا حور أو جان
شبهت بنت البشر
بحاجات فوق الحسبان
يا ريت كان كلامى اتحشر
او كنت كان يا مكان
قبل أما يصحى القدر
وألقى الملاك إنسان
ليست هناك تعليقات:
إرسال تعليق