عشش زرازير
وكأنى واقف على طرف
عينك
هزينى مش ح اجيلك
اكتبينى باقى ليلك
على أول السطر المافيش
الحلم طيش
وكأنى واقف جنب منك
ف عشة هيش
يا لقمة عيش
على توته
يا ضحكة بنت بنوته
على نوته
على حباره مفلوته
يا ظل لحلم مدارى
اشيل الحلم تفضالى
ترش البسله
على وشى
يا حلم نسيتو
على ع شئ
بتلضم
ف الهوى رمشى
عشش زرازير
وكلمه تطير
ف المدى الواسع
حبيبة قلبى
كان قلبها لا سع
نصر هاشم
ليست هناك تعليقات:
إرسال تعليق