(العشق الجميل )
وفي العشق الجميل
باكتب
انا عاشق لكن خالي
ومال الكون بقي ومالي ؟
طريد من جنة العاشقين
وليه للشكوي مش سامعين
يا أهل الحب ما تحنوا
انا العايش أسير للروح
وروحه بتتسحب منه
ولكن راضي اكمنه
برئ م الغدر والخيبة
وحب بُنية في الغيبة
وشافها في قلبه لدقيقتين
صبح راضي لكنه حزين
عشان مش حقه يملكها
ولا يشوفها كما العاشقين
يا سادة بيقروا او سامعين
سنين العمر بتعدي
كإن العمر ده دقيقتين
يا أعيشهم راضي ولوحدي
يا أحب وأدوب
غرام وحنين
خيار واحد من الاتنين
فقررت اني احب وادوب
ولو هطلع بغدر قلوب
فلازم ارضي بالمكتوب
واعيش عمري كما العاشقين
#محمود_المزين
ليست هناك تعليقات:
إرسال تعليق