--- خواطر الأشعار لمحمد مصار---
------- يا مراكبى---------
راح فين شراعك
وقولى ايه الأحوال
غريبه ديما أوضاعك
فى الصبر وطولة البال
والكل إتأمروا على خداعك
وحكايتك تنفع موال
وإنت بتقدف بدراعك
ضلوعك انكسرت فى الحال
وبتخبى دايما أوجاعك
ولا حد دارى بالحال
وواقف سابت فى مكانك
وعمرك ما قلت محال
وبتبكى المركب علشانك
من الحزن اللى فى قلبك طال
وشط الأمان كان قدامك
ومشيت فى شط الأهوال
خدعوك أعز أحبابك
والدمع فى عيونك سال
ليست هناك تعليقات:
إرسال تعليق