إضحك
إضحك ضحكة تعلى الصوت
ضحكة تسمع كل سكوت
ضحكة ترفرف ف الأكوان
ضحكة جميلة فكل مكان
نفسى اسمع صوتى لنفسى
واسمع صوتى ندايا وهمسي
خوفي لبكرة ييجي يخرسني
وارجع تانى لهمسي ويأسي
حتى الأمل الساكن نفسي
عايز يسمع فرحة أمسي
نفسي يا دنيا ارجع تاني
ارجع تانى واعيش احلامى
دى الدنيا دى ماشية ودوارة
والاحلام بتمر أمارة
حب الدنيا بيهرب منى
وأنا أحلامى ضاعت منى
خايف بكرا من الأيام
والسعد بيهرب بكلام
اه من نفسى وعزة نفسى
اه مالحزن الساكن نفسى
اه مالحزن الكاسر همسى
لكن يومى بيرجع تانى
يرجع بيا لضحك زمانى
واضحك ضحكة تعلى الصوت
ضحكة تسمع كل سكوت
بقلم / ندى أحمد نصر
ليست هناك تعليقات:
إرسال تعليق