أغنية...جلسه على قهوه
في يوم كنت مخلوق فاضي...
دخلت جلست على قهوه...
أستريحلى شويه...
و أشربلى كمان فنجان قهوة...
دخل عليا محامى و معاه زحمه...
جلس بيهم قصادى...
و ده كان له كاركتر لأنتباهى شده...
جلس يقطع و يبيع فى ناس لهم عنده أزمه...
يطلب كتير و يغالى فى أتعابه...
فى ناس بتلم فى أتعابه جنهات فكه...
بكولو أطفال...
و لطمولو نسوان...
لآن أبوهم فى القفص لسه...
قبض منهم مبلغ...
و مشو الناس...
و المحامى جلس فى القهوه يستنى...
فا دخلو عليه ناس تانيه...
شدو أنتباهى...
و الفرحه على وشهم ظاهره...
و كانو بيتكلمو بكلام مفضوح...
فى نفس موضوع الناس اللى لسه ماشيه...
فهمت منهم...
أنهم أخصام...
الراجل اللى فى محبسه لسه...
فؤجئت أن المحامى باع بكى ألأطفال...
و كمان لطم النسوان...
و الراجل اللي لا حول له و لا قوه...
و قبض من الناس ألأخصام...
و ضميره كان مستريح و الله...
و باع القضيه...
و شرف المهنه...
و ألأخلاق و الدين و الدنيا...
بقى ده أسمه محامى يا أخونا...
و راح اللى راح و أنا قاعد نفس الجلسه...
--------------------------------------
دخلو القهوه ناس تانيه...
شاب و معاه مزه...
لابسه هى حجاب لونه فوشيه...
على بنطلون أسترتش لازق عليها حتت لازقه...
كل حاجه بينه يا جدعان...
و الإسم لابسه حجاب...
و البنطلون بصراحه ماكنش له أى لازمه...
قعد الشب يحب فيها...
و ولعت هى سيجاره با أيديها...
و الشاب فرحان بيها...
و البنت كمان كانت بتغمز للشبان...
اللى فى القهوه قاعده...
و الشب اللى معاها...
هو كمان بيغمز للبنات و النسوان...
اللى قاعده...
هو فى أيه يا جدعان...
هى أشتغلات و لا حكايه تانيه...
كل لده و هم ماسكين أيديهم لسه...
و عبارات الحب الملتهبه...
سمعتها أنا قولت دى قصة حب جامده...
و أهات طلعه منهم بتنهيده...
من البت قبل الواد فى الخلسه...
و البت اللى لابسه حجاب...
أخذت أرقام الأولاد كده من أول نظره...
و الواد هو كمان أخذ...
أرقام البنات فى نفس الجلسه...
دول كانو بيتواعدو...
و ربي سامعهم انا بوداني...
على الجواز و أذاى ح يعملو الزفه...
و قامو راحو ماشين...
و كل واحد فى ألأتنين ظبطله كام قصه...
و راح اللى راح و أنا قاعد نفس الجلسه
-------------------------------------
و دخل رجل و معاه مراته كده كان ظنى...
الراجل كان بيشكو مر الشكوه...
و مراته كانت بتقول الحياه معاك بقت مره...
و مرتبك مش مكفى...
حتي مصاريف البيت...
و العيال و المدارس و حاجات تانيه...
دموع نزلت من عيون الراجل بحرقه...
و الست نزلت منها زيهم كذا دمعه...
و قالتله خلاص يا حبيبي أحنا لازم نطلق...
و نسيب بعضينا و العيال ح تتربي برضه...
مع راجل تانى...
يقدر يصرف عليهم و عليا و أنا لسه شابه...
طأطأ الراجل راسه و الهزيمه علت أنفاسه...
و قال فى نفس مقطوع روحى و أنتى طالق...
و دى أخر طالقه...
صرخت انا من اللي سامعه منهم لسه...
و العيال ليهم رب ح يساويها و يتربو برضه...
و أتعهدو على رؤية العيال فى أى مكان...
علشان يفضي البيت للجوازه التانيه...
و راح اللى راح و أنا قاعد نفس الجلسه...
____________________________
و دخلو أتنين بينصبو على أتنين...
بيبعولهم أرض مش موجوده على الخارطه...
و أضرب فى ورق و زور ورق ما السعر لقطه...
و أسرعو لحسن مش ح تلاقوها أسرعو شويه...
و الناس دفعو العربون الناس اللى خايبه...
و أخذو ألأوراق المضروبه و دفعو حساب القهوه...
و قامو مشو فاكرين أنهم أشترو أرض لقطه...
و فضلو النصابين و أتعركو مع بعضيهم...
فى توزيع التركه...
واحد يقول أنا اللى جايب الزبون...
و التانى يقول...
أنا اللى عملت ألأوراق المضروبه بحرفه...
و أنا لازم أخذ أكتر شويه...
و التانى يقوله نعم يا خويا...
أنت عليا ح تنصب...
ده أحنا اللى نصبين النصبه...
و أتعركو مع بعضيهم فى دخلت الناس التانيه...
سمعو كلامهم قامو ماسكوهم و أدوهم حتت علقه...
و هات الشرطه...
هى الشرطه فاضيه...
خذوهم على القسم أعمللهم قضيه كده أحسن...
و النيابه ح تطلهم من تانى جلسه...
حتى القانون فى النصب شريك ولا له أى لازمه...
بقى دى دوله بتقول أنا دوله...
و عايزه للعالم تكون قائده...
طب دى معقوله...
و أحنا حقوقنا مش محفوظه فى دى الدوله...
ده أنا دخلت جلست على قهوة...
أستريحلى شويه...
و أشربلى كمان فنجان قهوة...
و يا ريتني ما دخلت دي القهوة...
مع تحيات شاعر الوجدان الشاعر السكندرى / على الطاووس
ليست هناك تعليقات:
إرسال تعليق