بقلم فؤاد نوح
انا المغلوب
أنا المغلوب على أمره
و انا المنهوب
أنا اللي ارتاحوا من ذكره
وانا المغصوب
على كرهِك و تاه ودك
و ضاع عمري ورا أيوب
أنا المغدور بلا دية
في أرضى اللي مش أرضي
و ده المكتوب
أنا المنسي اللي مش ناسي
دموع اليأس في كاسي
و إحساسي
اللي بات مصلوب
على بابك و حراسك
سقوكي المر بفلوسك
و داقوا الشهد من كاسك
قالولي اللقمة بتكفي
و حبة طوب
يادوب يبنولك التربة
يا تفضل دايق الغربة
و تنسى حكايتك الدايبة
و تنسي
حقك المسلوب
ف. ن
ليست هناك تعليقات:
إرسال تعليق