لقمة هنية
======
عيلة فقيرة وغنية
تاكل فى لقمة كده هنية
الاب ارزقى كده وفقير
وعيلته برضه عددها كبير
والأم تسعى لاكل العيش
تبيع حاجات وشوية عيش
وعيال تساعد بشغل حلال
وتعود وتدى قليل من المال
لكن اللى يفرق حال عن حال
رضا وقناعة وابن حلال
يتلموا ساعة الصبحية
وياكلوا فول مع طعمية
وكله يضحك بإستمرار
والحمد لله باستغفار
وكأن يعنى بياكلوا كباب
ولا فى تمرد ويا عذاب
وكله يفتح يعنى الباب
ويسعى لرزقه كده بحساب
ويعودوا راضين ومجبورين
والحب بينهم اصله متين
شعور رضا مع حنية
وتبقى صحيح لقمة هنية
ويمكن تكون عيلة غنية
لكن بدون عيشة هنية
الاصل ترضى اكيد بالحال
مش بس تجميع للاموال
مع تحيات الفقير الى الله
ياسر شرف
كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق