" حروف العطف "
كل الكلام جوايا حروف
حرف عطف وحرف جر
حسب الظروف
كنت بخاف أكتب تشوف
حضَّ القلم مره الكفوف
وكتبت حببتي حببتي
من غير أيّ خوف
لاقتها عادي في الكلام
والقلب مش ملهوف
قالت : غرام
وحبيبتي مين? بطل هبل
قلتلها حبي مش هبل
أنا حبي أقوى من جبل
ليه تقتلي فيّا الأمل
ضاعتِ حروفي من الكلام
وإيه العمل
كتبت بس للعذاب
وعن السراب وعن للي غاب
والسهرانين والحيرانين
اللي من الحنين القلب داب
كتبت كلمة للمجروحين
وحرف عطف للموجوعين
يمكن يحن قلب السنين
وتخفف عنهم العذاب
كتبت عني وعن الدوا
وقلت قلبي مش للهوى
دا يا ما في الحب انكوى
ورجعِتْ عليّا تدق الباب
رنتْ وقالت لي السماح
ونبقى احباب
فضلت افكر أسكت وكبَّر
واللا افتح للهوى الغلاب
...............
الشاعر
-- محمود فرج -
ليست هناك تعليقات:
إرسال تعليق