بكده يفضل جواك انسان بقلم الشاعر / مدحت فضل

بكده يفضل جواك انسان

اصحي... وصحي ضميرك ياغفلان اصحي وصحي جواك الانسان

لو ...ضميرك صاحي هتبقي فرحان تعيش ايام دنيتك في امان

اصحي....... من اغواء الشيطان اصحي بسرعة قبل فوات الاون

اهرب بعيد عن دنيا الاحزان اهرب من دنيا البشر وعالم التوهان

دنيا .غريبه والكل عايش فيها غضبان مش راضي بنصيبه زعلان

اصحي ..وصحي ضميرك ياغفلان اصحي وصحي جواك الانسان

عيش الفرحه وخلي عندك ايمان وبلاش خوف من بكره والزمان

لو ..سلمت ارادتك للرحمن هتلاقي حياتك سهله و مش تعبان

لو ..ضميرك صاحي هتكون في امان وبكده يفضل جواك انسان

الشاعر مدحت فضل