جانى وقال نفترق
-------
جاى فى الميعاد ملتزم
وانا جاية فى ميعادى
سلم وقال نفترق
انا قلت له عادى
ماهى الحكاية ابتدت
ومن يومها ببعادى
وانت احترفت الالم
ولروحى بتعادى
ياابن الاصول محترم
من امتى بتهادى
بسمة وحبة رضا
يامرى وسهادى
---
فاكر زمان فى الصبا
من حسنى وشبابى
تسرح تروح من هنا
وانا كايدة حسادى
تتمنى كلمة هنا
وبتبكى لبعادى
---
ايه غيرت ليام
من روحى وودادى
ده انا حتى قبل ماانام
بادعى تكون راضى
عمرى اترسم وياك
انا وانت وولادى
وحظى ابتسملى معاك
وعلينا بينادى
-
هانت عليك عشرتى
فى شيبة اهدابى
وتجرى ورا نزوتك
ياحسرة ع الفاضى
ده العمر راح وانقضى
وايامه اهى قصادى
-
وانا راضية بحكمتك
رب العباد قاضى
وان جانى يوم يعتذر
قلبى ماهوش راضى
----
طارق
ليست هناك تعليقات:
إرسال تعليق