حلم الغلابة
ـــــــــــــــــــــــــ
ماشي في طريق طويل ضلمة في نهايته حارة سد
لا حد حس بيه ولا فى يوم أنا حسيت بحد
ولا أتفتح عليا باب ولا فى يوم باب عليا أترد
فى حالي وعازم أموري وعايش الدنيا جد
لا يوم بخلت برغيفي ولا فى يوم خطفت لقمة من يد حد
لأمم ألأمي فى حقيبة أحلامي وسادد عليها بألف سد
صحيح هدومى مبهدلة ومرقعة ولكن عايش من العرق والكد
قميصي مبقع مشروك ومرقع وأملى كله فى الغد
ومن أمتي كلام الغلابة قدام عوى الديابة سؤال ليه جواب ورد
ما هم فى بلدنا عاو زين الشريف يكون كفيف هم سياده وهو عبد
أخاف من جزم البهوات فى الشارع تدوسني وكفوفهم تلوشنى غلبان ملياش حد
أتحسس فى المراية ملامحي ليكون سرقوا منى عين ولا نهبوا منى خد
أقضى ليلى أعد في صوابعى أحصيهم وأعدهم عد
ليكون سرقوا منى كوع ولا سرقوا منى صابع من صوابع اليد
أتحسس قلبى موجود ولا سرقوه منى والجسد بنيان متكامل
ولا أتهد
..............................
بقلم/عبدالسيد عبدالفتاح
28/11/2016
ليست هناك تعليقات:
إرسال تعليق