قسمة ونصيب
من كام يوم وسط الهموم
ودنيا مشاكلها ألف كوم
وسط أوراق كتير متلخبطة
متقطعه ألف حته ومشخبطة
من بين الغيوم لمحت طيفك
جاي مبتسم وقتها حبيتك
عشت معاك ساعات وحكايات
ومن ضحكتي نزلت دموع
خففت إيدك قلب موجوع
طمنتني بإني مش هعيش
تاني بإحساس مخدوع
خدتني وطرنا في السما
كان كل همي نكون سوا
نجري ونضحك أطفال في الهوا
حبيتك وصحيت مشاعر ميتة
إحساس غريب تاه في الطريق
حبيب بيكلم حبيب
سامع نبض قلبك حاسس بصمتك
لكن الحقيقة إننا كائن غريب
حياتنا سوا قسمة ونصيب
لكن بقيت إنت الحبيب
وانا اتمنيت محبتك
#امل عبدالله عابد
ليست هناك تعليقات:
إرسال تعليق